Поголема трагедија

Мои сакани пријатели, ако вие сте како мене, ги гледате овие трагични случки што се случуваат во светот моментално и мислите колку е страшно и жалосно за луѓето. Колку мора човештвото да страда! Вчера загинаа 298 души во несреќата на малезискиот авион во источна Украина. Каква трагедија! Секој ден умират луѓе од глад, убиство, прогонување, несреќи, абортус... Списокот нема крај! Но сабајлево дури да се молам ми дојде мислата дека ќе биде поголема трагедија ако умреме без Исус! Библијата ни е дадена да нѐ предупредува за идниот суд во вечноста. Евреите 9:27-28: 'И како што на човекот му е определено да умре еднаш, а потоа суд, така Христос, откако беше принесен еднаш за да ги земе гревовите на мнозина, ќе се јави вторпат без грев, а спасение на оние кои го очекуваат.' Многу од вас мислите дека е доволно да живееме мирен живот на земјата и кога ќе умреме, ќе видиме дали ќе имаме шанса да влеземе на небо! Ова е голема грешка и лага! Слушајте што вели Библијата за таа тема: 

Секој, кој ќе Го повикува Господовото име ќе се спаси! (Римјаните 10:13)

Кој верува во Синот, има вечен живот; а кој не се покорува на Синот, нема да види живот, туку Божјиот гнев останува врз него. (Јован 3:36)

Во небесното царство нема да влезе секој човек што ми се обраќа со ,Господе, Господе‘, туку само оние кои го извршуваат она што од нив го бара Мојот небесен Татко. Кога ќе дојде Судниот ден, мнозина ќе ми велат: ,Господе, Господе! Ние во Твое име пророкувавме, во Твое име демони протерувавме и во Твое име чуда правевме!‘  Тогаш Јас ќе им речам: ,Никогаш не Сум ве познавал! Тргнете се од Мене вие кои ги кршевте Божјите закони!‘“ (Матеј 7:21-23 Од беседата на гората - зборови на Исус)

Ако сме Го запознале Исус преку покајание и вера во Неговата спасителна смрт и возкресение во сегашниот живот, Библијата вели дека имаме вечен живот. Ако не сме Го запознале Исус во сегашниот живот ќе значи дека немаме вечен живот и ќе ни каже на тој ден: 'Никогаш не Сум ве познавал! Тргнете се од Мене'. Поголема трагедија од оваа не постои! Ако треба да се тргнеме од Него, ќе бидеме во 'вечниот оган, подготвен за Ѓаволот и за неговите ангели' (Матеј 25:41).

Многу од вас кои ги читате овие зборови сте моите лични прекрасни пријатели. Премногу ве сакам и затоа морам да ви ги напишам овие зборови од Библијата како опомена. Не сакам вие да излезете пред Бог на суд без спасението што Тој ви го понуди денес. Тогаш ќе биде премногу доцна. Имаме можност да се покаеме и да Го прифатиме Исус денес, а утре може да бидеме веќе заминати од овој свет во вечноста. Затоа уште еднаш пишувам, слушајте што вели Божјото Слово: 

Ние, во улога на Божји соработници, ве молиме да не ја пропуштите Божјата милосрдна благонаклоност спрема вас, зашто Бог вели:

„Повикај Ме во вистинскиот час

и Јас ќе ти ја услишам молитвата;

побарај Ме во денот кога ти нудам спасение

и Јас ќе ти помогнам!“

Сега е вистинскиот час! Денес е денот кога Бог ти нуди спасение! (2 Коринтјаните 6:1-2)

Доколку верувате во спасителната жртва на Исус на крстот и веќе сте одлучиле да Го следите Исус од се срце, барајте заедништво со други верници за да растете во верата и во познавањето на Словото. Кој сака бесплатен Нов Завет или да доаѓа на Библиски час во 19.00 во вторник, пиши ми слободно. Темата е сериозна денес, но нека Бог да делува во сите нас. Негови зборови се и нашата одговорност е да ги прифаќаме со понизност.