Како да добијам вечен живот

Библијата е од Бога вдахновена и затоа има тежина поголема од секоја друга книга на земјата. Она што е напишано во неа е вистината. Таа вистина нема да се промени ниту да стане невалидна. Кога оваа земја нема да постои повеќе, Библијата и понатаму ќе постои (Исаија 40:8). Кога нашиот Создател нѐ направи, сакаше да знаеме како да имаме вечно заедништво со Него. Библијата е еден вид на упатство со инструкции за нашиот духовен, морален и практичен живот. Библијата ни објаснува како да добиеме вечен живот иако ни е кажано од многу теолози дека тоа не се знае дури сме живи. Мојата Библија ми кажува друго! Не можам да потенцирам доволно колку е важно да го читаме ова љубовно Писмо од нашиот небесен Татко за да го разбереме она што Бог ни кажува.

Како да добијам вечен живот според Исус?

Исус спомнува вечен живот често пати во четирите Евангелија, посебно во Евангелието според Јован:
  Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот. (3:16)

Кој верува во Синот, има вечен живот; а кој не се покорува на Синот, нема да види живот, туку Божијот гнев останува врз него.  (3:36)

Вистина, вистина ви велам: кој го слуша Моето слово и верува во Оној, Кој Ме прати, има вечен живот и не доаѓа на суд, туку преминал од смртта во живот. (5:24)

Зашто тоа е волјата на Мојот Татко, секој што ќе Го види Синот и поверува во Него - да има вечен живот, и Јас ќе го воскреснам во последниот ден.(6:40)

Вистина, вистина ви велам: кој верува во Мене има вечен живот. (6:47)

А ова е вечен живот: да Те познаат Тебе, Единствениот вистински Бог, и Исуса Христа, Кого си Го испратил. (17:3)

Овие стихови се само мал дел од она што го вели Исус за вечниот живот во Светото Писмо. Покасно во историјата на црквата Павле проповедал за вечниот живот. Се спомнува во Апостолски Дела и во своите посланија.

Тогаш Павле и Варнава им рекоа одлучно: „Требаше најнапред вам да ви се проповеда Божјото Слово; но бидејќи вие го отфрлате од себе и не се сметате достојни за вечниот живот, еве, ние им се обраќаме на народите... (Дела 13:46)

Но со твојата закоравеност и со непокајаното срце самиот собираш гнев врз себе, за денот на гневот и на откривањето на праведниот Божји суд,Кој ќе му даде секому според неговите дела:на оние, кои со трпение прават добро и бараат слава, чест и непропадливост - вечен живот; (Римјаните 2:5-7)

А добив милост токму затоа, за да ја покаже Христос Исус, прво во мене, сета своја трпеливост, за пример на оние, кои ќе веруваат во Него за вечен живот. (1 Тимотеј 1:16)

Павле, Божјиот слуга и апостол на Исуса Христа, според верата на Божјите избраници и познавањето на вистината, која е според побожноста,во надежта за вечен живот, што пред вечни времиња го вети Бог, Кој не лаже... (Тит 1:1-2)

Одржете се себеси во Божјата љубов, ревносно очекувајќи ја милоста на нашиот Господ Исус Христос за вечен живот.. (Јудино Послание 21)

Апостолот Јован (авторот на Евангелието според Јован) исто така пишува за вечен живот во своето послание 1 Јованово:

Што чувте од почетокот тоа да остане во вас. Ако остане во вас она што го чувте од почетокот, и вие ќе останете во Синот и Таткото. А ова е ветувањето што Тој ви го вети: вечен живот. (1 Јованово 2:24-25)

И ова е сведоштвото: Бог ни даде вечен живот, и тој живот е во Неговиот Син.Кој Го има Синот, има живот; кој Го нема Божјиот Син, нема живот.Ова ви го напишав вам, кои верувате во името на Божјиот Син, за да знаете дека имате вечен живот и да верувате во името на Божјиот Син. (1 Јованово 5:11-13)

Вечниот живот е централна тема во Библијата. Исус умре како жртва за нашите гревови за да живееме вечно со Него. Ако немаме досега побарано прошка за нашите гревови преку Исус, не се простени и немаме вечен живот. Вистинското покаjaние е да бараме прошка и да одиме во другиот правец - да не ги правиме тие гревови повеќе. Не можеме сами да се откажеме од гревовите затоа што сме родени како робови на гревот. Имаме погрешна природа. Треба да признаеме пред Бога дека сме изгубени (беспомошни) и да веруваме во спасителната моќ на Исус преку Своето дело на крстот. Исус умре за да нѐ ослободи од гревот. Оние кои веруваат во Него и Го примаат во нивните срца ќе Го добијат Светиот Дух и нова природа за да можат да живеат праведно за Божјата Слава на оваа земја. Спасени сме преку верата, не преку крштевањето, црквата, проповедници, добри дела.... Време е да го читаме внимателно она што е напишано во Библијата за овие премногу важни теми. Се разбира дека сѐ се чита во контекст и со помош на Светиот Дух кој го осветлува нашиот човечки ум и помага да влезе вистината во нашето срце. 

Џон Маквојд пишува една молитва за покајание во својата книга Знаење и Пракса:

Милостив Боже, јас згршив против тебе и ми е жал за сите погрешни работи што ги имам направено. Господе Исусе Христе, благодарам што ме засака и што умре за моите гревови на крстот. Сега те молам да ме простиш. Влезе во мојот живот денес. Дај ми сила да се откажам од моите минати гревови и да го живеам целиот мој живот на начин кој ќе ти биде угоден. Сакам да бидеш мојот Спасител и Господар засекогаш. Амин.

Можеме да ја кажеме оваа молитва или да се молиме со свои зборови. Господ ќе ја услиши искрената молитва.