Дали сме свесни дека Творецот на целиот универзум ни испрати љубовно писмо на земјата? Библијата која била напишана во текот на 1500 години од најмалку 40 различни писатели, е најважната и најскапоцената книга што можеме да држиме во нашите раце. Самата Библија ни вели:
Целото Писмо е од Бога вдахновено и е полезно за поука, за изобличување, за поправање и за воспитување во правдата... 2 Тимотеј 3:16
Апостолот Петар објаснува:
...никогаш пророштвото не дошло од човечка волја туку светите Божји луѓе зборувале носени од Светиот Дух. 2 Петрово 1:21
На тој начин Светото Писмо било напишано кога Светиот Дух им зборувал на писателите и тие го напишале она што им било речено. Живиот Бог сакаше да ни пренесе една многу важна порака и начинот беше преку една книга. Кога читаме за историјата на Библијата, гледаме дека имало многу обиди да се уништи секој нејзин примерок но Бог ја чувал на чудесен начин преку Евреите, апостолите, раните христијани и црквата. Колку луѓе се умрени во минатото и умираат до ден денес поради желбата да го шират и споделат Божјото Слово! Колку верници се биле и уште се во затвор во неколку земји со обвинувањето дека ја читаат Библијата! Оваа книга не е обична книга. Оваа книга е вистината и затоа се чита цел живот за да ја научиме нејзината содржина и да ја практикуваме. Се чудам кога луѓето се плашат од Библијата или ја сметаат како обична книга која еднаш се чита во животот. Господ ни зборува преку Библијата затоа треба секој ден да ја читаме и да го слушаме Неговиот глас.
Централната тема на Библијата е Божјиот план да го обновува срцето на човекот преку смртта на Исус и да го уништува злото. Тој план веќе се спомнува многу рано во Библијата. Изгледа дека ѓаволот победил тогаш во Еденската градина но Господ му ветил: Јас ќе поставам непријателство помеѓу тебе и жената, помеѓу твоето семе и нејзиното Семе: Тој ќе ти ја сотрува главата, а ти ќе Му ја сотруваш петицата. Битие 3:15
Апостолот Јован пишува:
Затоа се јави Божјиот Син, за да ги разурне делата на ѓаволот. 1 Јован 3:8
Поради делата на ѓаволот и нашата погрешна природа, ни треба спасение и откуп за нашите гревови. Цената на нашиот откуп беше крвта на Исус, Божјиот Син.
Зашто Бог толку го возљуби светот што Го даде Својот Единороден Син, та секој кој верува во Него, да не загине, туку да има вечен живот. Јован 3:16
...не сте откупени со распадливи нешта, со сребро или со злато, од својот суетен живот што ви е предаден од вашите татковци, туку со скапоцената крв на Христа , како невино и чисто Јагне предназначен, пред создавањето на светот, а се јави на крајот на времето заради вас, кои преку Него поверувавте во Бога, Кој Го воскресна од мртвите и Му даде слава, така што вашата вера и вашата надеж да бидат во Бога. 1 Петрово 1: 18-21
Господ веќе направи сѐ за нашето спасение преку жртвата на Неговиот Син. Бара од нас покајание за нашите гревови и да го прифатиме Исус како нашиот Спасител. Спасението е по Неговата благодат и преку вера. Библијата вели:
Кој верува во Синот, има вечен живот: а кој не се покорува на Синот, нема да види живот, туку Божјиот гнев останува врз него. Јован 3:36
Ако немате Библија дома, можам да ви го дадам Новиот Завет и да ве поканам на Библиски час во 19с секој вторник на оваа адреса: ул. Булевар 1-ви Мај бр. 216.
Клипчето е за љубовното писмо со убави стихови за размислување.
Comments
Post a Comment