Добрата Вест

Го почнав денот со оваа прекрасна песна. Самата музика изразува мир и спокојство, а рефренот кажува дека Божјата љубов слезе од небото да ме спаси и да ме ослободи. Првата строфа вели: кога моето срце ми премира, и кога не можам да го слушам Твојот глас, се препирам на она што е вистинско, иако не можам да гледам. 

Искрено, не знам каде ќе бев вечерва без Бог во мојот живот. Можеби мислете дека премногу сум влезена во овие духовни работи, но не можам доволно да ја објаснам важноста на духовниот живот. Божјиот стандард се наоѓа во десетте заповеди од книгата Излез 20:1-17 во Стариот Завет. Кој од нас може да каже дека не сум скршил ниеден од тие закони? НИЕДЕН ОД НАС!! Библијата вели дека сите сме згрешиле (Римјаните 3:23) и затоа Бог не може да нѐ прими кај Него во рајот како што сме. Тој е свет, а ние сме грешници без исклучок (освен Исус). Но има ДОБРА ВЕСТ. 

Добрата Вест 

Зборот 'евангелие' е од грчкиот збор 'εὐαγγέλιον'. Зборот означува 'добра вест'. Евангелието е едноставна радосна порака од Бог за нас:

'Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот.' Евангелието според Јован 3:16.

Дали веруваме во тој стих? Според стихот ако веруваме во Исус, имаме вечен живот. 

Не е само да веруваме дека постои Исус или дека умре за нас - вистина е тоа, но вели Библијата во Јован 15:1-10:

'Исус им рече на Своите ученици: „Јас сум вистинската Лоза а Мојот небесен Татко е Лозарот. Секоја прачка на Мене, која не раѓа плод, Тој ја отсечува. А секоја прачка што раѓа плод, Тој ја чисти, за да дава уште повеќе род. Вие сте веќе чисти преку словото што ви го проповедав. Останете сврзани за Мене и Јас ќе останам сврзан за вас. Како што прачката не може да раѓа плод сама од себе, ако не е сврзана за лозата, така ни вие нема да можете да бидете плодотворни, ако не останете сврзани за Мене.

Јас сум Лозата, а вие сте прачките. Ако останете сврзани за Мене и Јас за вас, ќе бидете многу плодотворни. А без Мене не можете да постигнете ништо. Ако не останете сврзани за Мене, ќе бидете исфрлени како отсечени прачки и ќе се исушите. А сувите прачки ќе бидат собрани и в оган изгорени. Ако останете сврзани за Мене и ако Моето учење се вкорени во вас, тогаш секоја ваша молитва ќе ви биде исполнета. Кога вие ќе станете Мои плодотворни ученици, тоа ќе Му донесе слава на Мојот небесен Татко. Јас ве сакам исто како што и Таткото Ме сака Мене. Останете во Мојата љубов. Вие ќе останете во Мојата љубов, ако ги извршувате Моите заповеди, исто како што Јас ги исполнив заповедите на Мојот Татко и останувам во Неговата љубов.'

Често пати учише Исус со слики. Сликата во овој пасус е Лозата (Исус), Лозарот (Бог Таткото) и прачките (верниците). Овој текст објаснува дека не е доволно само да кажеме со устата дека веруваме. Исус бара повеќе од нас. Треба да има духовен плод во нашите животи. Да останеме блиску до Него значи да одделиме време секој ден да се дружиме со Него преку молитва и читање во Библијата. Она што го знаеме од Библијата треба да го практикуваме дневно, не само во недела!! Ќе останеме во Исусовата љубов ако го запазиме Неговото учење. Како ќе го запазиме Неговото учење ако не го знаеме? Јас сум премногу благодарна на оние кои ме научија од моето детство за Исус и Божјото Слово. Препорачувам да одите на Библиски час да ги сваќате овие работи сериозно, затоа што христијанскиот живот не е игра. Она што ние го правиме на земјата ќе има траги во вечноста. Ако сакате повеќе информација за библиски час или сакате да добиете Нов Завет (бесплатно), пуштите порака во мојот инбокс. Да не се сраметe!

Еден ден ќе се појавам после смртта пред Исус и сигурна сум ќе ми каже дека не бев доволно 'влезена во овие духовни работи'. Неговото учење треба да влијае врз сѐ што правам. Какви мотивации имам? Дали правам сѐ од љубов или од корист? Дали ги сакам луѓето околу мене или дали ширам гласови за нив? Библијата има многу учења за сите аспекти во животот. Сакам мојот став и карактер да Му бидат угодни на Бог.

Ако се решивме да станеме сериозни следбеници на Исус, мораме да признаеме дека сме грешници (Јас прво!!), да се покаеме и да се свртиме во спротивниот правец (то ест да избегнуваме од сите познати гревови) и да Го следиме Исус според Неговото учење во Библијата. Нема да можеме да го правиме тоа преку сопствената сила, затоа Исус ќе ни го даде Светиот Дух која е трета личност во тројството (Таткото, Синот и Светиот Дух). 

Добрата вест е дека Исус умре и воскресна за да ни даде нов живот. Кој не Го пифаќа Исус ќе биде како прачката која не раѓа плод - ќе биде фрлен во оган (пеколот). Ако не сме со Исус на земјата, нема да бидеме со Него во вечноста и затоа е толку важна тема што ме лежи на срцето вечерва. Се молам за сите нас во Битола да живееме за Божјата слава! Нека да биде прославено Неговото име во целата Македонија до крајот на светот! Божји благослов!