Плачам внатре

Морам да признаам денес дека нешто гори во мене. Како Еремија, мислев вака: И реков во себеси: 'Веќе не ќе мислам на Него, ниту ќе зборувам во Неговото име.' Но тогаш во моето срце беше како распламенат оган запретан во моите коски: напразно се трудев да издржам, не можев веќе. (Еремија 20:9). Божјото Слово гори во мене затоа што тоа е вистината. Виситната само може да го осветли нашиот пат. Давид пишува во Псалм 119:105: Твоето слово е светилка на мојата нога и светлина на мојата патека. Се прашувам, дали јас го сакам Божјото Слово како Божјиот авторитет на земјата или дали е човечкото размислување поважно? Прашањето падна на мојот ум вчера после еден разговор со многу драга жена. Зборувавме за нашата вера, но жената беше повеќе воодушевена од свеците и иконите во нејзиниот фризерски салон од Самиот Исус. Искрено плачев внатре. Кој светец умре за мене? Кој икон страдаше за моите гревови? Еве плачам дури пишувам. Кога ќе сфатиме дека нашиот Спасител, возљубениот Божји Син плати една преголема, неискажлива цена за нас? Само преку Неговата скапоцена крв имаме пристап кон Божјиот престол и присуство. Библијата вели: 

Христос е видлива слика на невидливиот Бог.

Тој постоеше уште кога Бог ништо не беше создал.

Преку Христос Бог ги создаде сите нешта

и на небото и на земјата:

тоа што се гледа и тоа што не се гледа,

сите престоли и власти,

сите владетели и властодршци,

се беше создадено преку Него и за Него.

Тој постои пред се и ги одржува сите нешта.

Христос е глава на Црквата, која е Негово тело.

Тој е Почетокот, прв што воскресна од мртвите,

зашто Бог одбра во Него

во целост да се всели Божјата природа

и преку Него да ги помири со Себе сите,

било да се на земјата, или на небото,

воспоставувајќи мир преку Својата крв, пролеана на крстот. 

Колосјаните 1:15-20

Не постои никој поголем, помоќен, подостоен од Исус. Тој ја има првата позиција во созданието. Ако се поклонуваме пред нешто друго, пред било каков предмет или слика, хулиме на Божјиот Син. Денес следниве зборови горат во мене:

ЈАС СУМ ГОСПОД, ТВОЈ БОГ, КОЈ ТЕ ИЗВЕДЕ ОД ЕГИПЕТСКАТА ЗЕМЈА, ОД КУЌАТА НА РОПСТВОТО. НЕ ЌЕ ИМАШ НИКАКВИ ДРУГИ БОГОВИ ПОКРАЈ МЕНЕ. НЕ ЌЕ СИ ПРАВИШ ВРЕЗАН ЛИК, НИТУ НЕКАКВА СЛИКА НА ОНА ШТО Е ГОРЕ ВО НЕБОТО ИЛИ ДОЛУ НА ЗЕМЈАТА, ИЛИ ВО ВОДАТА ПОД ЗЕМЈА. НЕ ЌЕ ИМ СЕ ПОКЛОНУВАШ НИТУ ЌЕ ИМ СЛУЖИШ, ЗАШТО ЈАС, ГОСПОД, ТВОЈОТ БОГ, СУМ РЕВНИВ БОГ.

 Овие зборови се наоѓаат во Излез 20:2-5 - ПРВАТА ЗАПОВЕД!!

Исус рече: Бог е Дух и кој Му се поклонуваат, треба да Му се поклонуваат во дух и вистина.

Како изгледа тоа? 

Дали треба сеуште да принесуваме жртви?

Дефинитивно НЕ! А Христос принесе само една жртва, која има вечна вредност, и потоа седна на почесно место, од десната страна на Бог. Евреите 10:12

Вака изгледа поклонување во дух и вистина:

Нека да гори Божјото Слово во нас од денес и засекогаш! Исус рече: Ако некој Ме сака, ќе му се покорува на Моето учење. Тогаш Мојот Татко ќе го засака и Ние ќе дојдеме кај тој човек и во него ќе живееме.  А тој што не Ме сака, нема да му се покорува на Моето учење.  Јован 14:23-24